Save Dapchari | दापचरी प्रकल्पग्रस्तांसाठी भाजपचा आंदोलनाचा इशारा

ठाणे/प्रतिनिधी - गुरुवार, २७ मे २०१०

तलासरी येथील दापचरी येथे शासकीय दुग्ध प्रकल्प सुरू करण्यासाठी शासनाने ५०० रुपये एकर दराने ६८०० एकर जमीन ताब्यात घेतली आहे. सध्या दापचरी प्रकल्पात एकही गाय नसून, दुधाचे उत्पादन होत नाही. त्यामुळे ज्या प्रकल्पासाठी शेतक ऱ्यांची जमीन घेतली तो उद्देश सफल न झाल्याने शेतक ऱ्यांना त्यांच्या जमिनी परत द्याव्यात, तसेच या जागेवर होत असलेली इतर बांधकामे थांबवावीत अन्यथा आंदोलन छेडावे लागेल, असा इशारा भाजपचे आमदार अ‍ॅड. चिंतामण वनगा यांनी पत्रकार परिषदेत दिला.यावेळी भाजपचे जेष्ठ नेते ओमप्रकाश शर्मा त्यांच्यासोबत होते. अहमदाबाद हायवेवर मुंबईपासून १४० किमीवर दापचरी दुग्ध प्रकल्प सुरू करण्यात आला. १९६३-६४ साली मुंबईतील तबेल्यांचे स्थलांतर तेथे करण्याचा हा प्रस्ताव होता. त्यासाठी ६८०० एकर जागा त्यावेळी अक्षरक्ष: ४५० ते ५०० रुपये एकरी भावाने सरकारने घेतल्या. या जागेपैकी १३०० एकर जागेवर कुझ्रे धरण वसलेले आहे. प्रकल्प सुरू करताना खासगी दुग्ध उत्पादक शेतकऱ्यांसाठी अडीच एकर जागेची अशी ८०० युनिट उभारण्यात आली. १९७१-७२ साली दापचरी प्रकल्पातून दुध उत्पादन सुरू झाले. मात्र ते अपेक्षित नव्हते. नंतर शासनानेही प्रकल्पाकडे दुर्लक्ष केल्याने सर्व प्रकल्प तोटय़ात गेला. महिन्याभरापूर्वी शासनाने दापचरी प्रकल्पात असलेल्या सर्व गायी, वासरे काढून टाकली. २५० मजूर तेथे आहेत मात्र कामच नसल्याने सारे काम न करता बसून असतात. प्रकल्प सुरू आहे असे दाखवण्यासाठी सरकारचे प्रयत्न सुरू आहेत, मात्र एकही गाय तेथे नसल्याने दुग्ध प्रकल्प कसे म्हणता येईल, असा सवाल आमदार वनगा यांनी केला. आता शासनाने या जागेपैकी १०० एकर जागा रबर बोर्डाला, ६५ एकर जागा फलोद्यान विभागाला, २५ एकर जागा मत्स्यबीज कें द्राला, ५२ एकर जागा आरटीओसाठी आणि एका शैक्षणिक संस्थेला जागा दिली. जे युनिट तबेलेधारक, शेतक ऱ्यांना शासनाने लीजवर दिले त्यांनी ते विकून तेथे हॉटेल्स, रिसॉर्ट, फार्महाऊस बांधल्याचे वनगा यांनी सांगितले. गुजरात सीमेवर आच्छाड येथे चेकनाका असताना त्यांच्या उत्पन्नापेक्षा गुजरात आरटीओचे उत्पन्न तिप्पट आहे. हा चेकनाका हलवून दापचरीच्या जागेत हलवण्यात येणार आहे, त्याला वनगा यांनी विरोध केला आहे. दुग्ध प्रकल्प बंद झाल्याने शेतकऱ्यांना त्यांची जमीन परत द्यावी, अशी मागणी वनगा व शर्मा यांनी केली आहे. या मागणीचे निवेदन मुख्यमंत्र्यांना दिले असून, वेळ पडल्यास शेतकऱ्यांसाठी न्यायालयात दाद मागण्याचा इशारा दोघांनी दिला.

original at : http://www.loksatta.com/index.php?option=com_content&view=article&id=72765:2010-05-26-16-55-33&Itemid=1 

Dapchari News | दापचरी प्रकल्पाचा अहवाल सादर करा

- म. टा. प्रतिनिधी। मुंबई डहाणू तालुक्यातील दापचरी दूध डेअरी प्रकल्पाचा मुख्य उद्देश साध्य झाला असे कोणालाच स्पष्टपणे सांगता येणार नाही. तेथील सध्याची नेमकी परिस्थिती काय आहे याचा अहवाल १५ दिवसात तयार करण्याच्या सूचना ठाणे जिल्ह्याचे पालकमंत्री गणेश नाईक यांनी संबंधित अधिकाऱ्यांना दिले. ठाणे जिल्ह्यातील आदिवासी, अल्पभूधारक आणि भूमीहीन शेतकऱ्यांना आथिर्कदृष्ट्या सक्षम करण्यासाठी १९७४ साली दापचरी प्रकल्प सुरू झाला. प्रकल्पासाठी सरकारने ताब्यात घेतलेल्या जमिनीचा मोबदला प्रकल्पग्रस्त शेतकऱ्यांना मिळाला? दापचरी धरणाच्या पाण्याचा वापर कसा व कुणासाठी होतो. प्रकल्पग्रस्त ३४ वर्षापासून हक्कांसाठी झगडतात. त्यांच्यासाठी काय करता येईल, याचा अहवाल द्यावा, असे पालकमंत्र्यांनी म्हटले आहे. राष्ट्रवादी काँग्रेसचे आमदार कृष्णा घोडा यांच्या अध्यक्षतेखालील दापचरी कृषीक्षेत्र संघर्ष समिती व दापचरी दूध प्रकल्पग्रस्तांनी मंत्रालयात नाईक यांची भेट घेतली. यावेळी झालेल्या बैठकीस डहाणू प्रांत अधिकारी माया पाटोळे तसेच कृषी अधिकारी उपस्थित होते. Original at : http://maharashtratimes.indiatimes.com/articleshow/msid-3679143,prtpage-1.cms

Save Dapchari | दापचरी दुग्ध प्रकल्पात बंगले!

ठाणे - तलासरी तालुक्‍यातील दापचरी दुग्ध प्रकल्प बंद पडला असून सरकारी विभाग व खासगी संस्थांना जमिनीचे वाटप सुरू झाले आहे. तेथे बंगले व रिसॉर्ट उभे राहिले आहेत. या प्रकल्पाची जमीन मूळ मालकांना हस्तांतरित करावी. अन्यथा, तीव्र आंदोलन करण्यात येईल, असा इशारा भाजपचे आमदार ऍड. चिंतामण वनगा यांनी आज येथे दिला.

दापचरी दुग्ध प्रकल्पासाठी 1963-64 मध्ये 1074 कुटुंबांकडून सुमारे सहा हजार 800 एकर जमीन संपादित करण्यात आली होती; मात्र हा प्रकल्प फसल्यामुळे आता मूळ जमीनमालकांना जमिनी हस्तांतरित करण्याची मागणी आमदार वनगा यांनी मुख्यमंत्री अशोक चव्हाण यांच्याकडे केली होती; मात्र त्याबाबत दखल घेण्यात न आल्याने आता दापचरी संघर्ष समिती स्थापन करण्यात आली आहे. त्यात सर्वपक्षीय नेते व कार्यकर्त्यांचा समावेश असेल, असे आमदार वनगा यांनी पत्रकार परिषदेत सांगितले. या वेळी भाजपचे ओमप्रकाश शर्मा उपस्थित होते.

आरटीओ चेकनाक्‍यासाठी 52 एकर जमीन देण्यात आली आहे; तसेच रबर बोर्ड, फलोद्यान, मत्स्यबीज केंद्र आणि खासगी शिक्षण संस्थेला जमीनवाटप करण्यात आले आहे. सरकारने दिलेल्या 800 गोठ्यांच्या युनिटची परस्पर 30 ते 32 लाख रुपयांना विक्री केली जात आहे, असा आरोप श्री. वनगा यांनी केला. सरकारने गंभीर दखल न घेतल्यास चेक नाक्‍याचे काम बंद पाडले जाईल, असा इशारा त्यांनी दिला.

गायी, म्हशींची विक्री, प्रकल्पात राहिला एक वळू!गेल्या महिन्यात दापचरी प्रकल्पातील म्हशी, गायी आणि वासरांची लिलावात विक्री करण्यात आली. आता तेथे केवळ एक वळू शिल्लक आहे. प्रकल्पातील 350 मजुरांना काम शिल्लक नाही; तर अनेक अधिकारी व कर्मचारी बसून पगार घेत आहेत, याकडे आमदार वनगा यांनी लक्ष वेधले.

Originalt : http://www.esakal.com/esakal/20100527/4904474411340638890.htm 

Dapchari Milk project Information by Govt

Information from Government Page :
Milk project, Dapchari was established in 1960 to relocate the milch animals. About 2677 hectors of land was acquired on Mumbai – Ahmadabad highway, about 150 KMs. from Mumbai. A Dam (capacity 1380 Million ltrs.) was built in this project. But the cattle shed owners of Mumbai did not show any interest in shifting to Dapchari. So, some changes were made in the Project. At present various agricultural schemes are implemented with above 100 cluster units (Gaothan) and associated 170 agricultural areas. In such schemes, the owner/area holder gets land for dwelling, shed for about 12 cows and 1 hector of land for agriculture. This land is used for planting vegetable, rubber plantation or for plants like chikoo, mango,etc. Horticulture Department distributes the seeds/seedling/grafts of the plants like mango, chikoo, coconut, etc.

Dapachari Dairy Project | दापचरी दुग्ध प्रकल्प

Official Information from Govt page :
 मुंबईपासून १५० किलोमिटर अंतरावर अहमदाबाद राष्ट्रीय महामार्गावर दुग्ध प्रकल्प, दापचरीची स्थापना १९६० मध्ये करण्यात आली असून त्याकरीता २६७७ हेक्टर जमीन संपादित करण्यात आलेले आहे. या प्रकल्पाकरीता विरोली नदीवर धरण (१३८० मिलीयन लिटर्स क्षमता ) धरण बांधण्यात आलेले आहे.प्रकल्पात गोशाळा योजनेबरोबरच वैरण बीज उत्पादन योजना व भाजीपाला योजना राबविण्यात आली होती. प्रकल्पात १७० संलग्न व १०० गावठाण पध्दतीची दुग्धव्यवसाय क्षेत्र शेतक-यांना वाटप करण्यात आलेली आहेत. प्रत्येकी एक हेक्टर दुग्धव्यवसाय क्षेत्रामध्ये १२ गायी करीता गोठा बांधण्यात आलेला आहे. राहण्याकरीता निवासस्थान आहे व हिरवा चारा उत्पादनाकरीता क्षेत्र आहे.

Source : http://dairy.adfmaharashtra.in/index.php?option=com_content&view=article&id=18&Itemid=22&lang=mr